بحر الغدر صابنى

عجوز يابحر وبيرك غويط مــــــــاله أرار
بتنحت صخور وتغرق جرىء وتهد اسوار
بتجرى بسرعة جرى الوحش على فريسه
وتغطى بموجه رمله ناعمه وسور فنـــــار
***
مليت هدوءك وكرهت ملحـــــــــك
فيك الجنه وورا جنتك جهنم نـــــار
نزلت فى حضنك ودوقـــــــت منك
ملاقتش فى طعمك غير لذعة مرار
***
سحبت كرسى وقعدت على برك
لقيت فوقيك قمر ليل وشمس نهار
قلت انزلك تحضنى بصــــــدرك
تودينى ليها فى دار القــــــــــرار
***
هاحكى الحكايه والظلم عنــــــــدك
ومش هاخبى اى اســــــــــــــــــرار
***

حلمت فى يوم ببنت جميله وفستـــــان
ابيض طويل وماسكه فى ايدها بستان
نور الشمس فى عيونها كل الحنـــان
خدها وسابتنى ينشر فى قلبى منشـــار
***
ربك واهبلك ملك تانـــــــى
غدرك حجر فى قلب انانى
بتمنى ترجع حبيبتى تانـــى
وتسيب فى قلبى كل عمار
***
فخ وناصبه على صخرتـك
عجينه خضراء وملح ميتك
وقعت حبيبتى فى معدتـــك
سمعت خبرها وقدت نــــار
***
خدتها منى وسلمـــــــــــــــــــت
ورضيت بقدرى وكملـــــــــــت
وداويت جروحى فشلــــــــــت
وانت بايدك تطــــــــفى النــــار
***
ده جارك وذنبى انا أيـــــــــــــــه
بتاخد ليه من برك وتديـــــــــــــه
وتسحب فى مخلوق عشان تأذيه
وبقوتك تجره فى تيـــــــــــــــــار
***
الناس من قلبهم حبــــــــــــــوك
وبيسعوا جرى عشان يشوفوك
لو بصوا لحقيقتك وعرفــــــوك
مش هايلاقوا الا الفــــــــــــــرار
***
وادى الحكايه وادى القافيه
وادى دموعى ماهيش كافيه
شربت مرارك بالعــــــافيه
ومسبتهاش تاخد قــــــرار
****
رب انا عارف انك موجــــــــــود
وخلقت الكون من غير حـــدود
فأغفر لى فأنت الرحيم الــــودود
وأغفر لها وأسكنها روضة الدار